غني معاي يا خال
بيقولو الحلم قريب والنهر جرب كل القديم
والجي كمان
والحزن ناي مشروخ في قلب المصري من زمن بعيد
عالحلم باني كل شيء
في حبة ضحك يهرب مالحقايق
في كل يوم حبال جديدة ومشانق يصحو على صوتها الخلايق
غربونا في كل شيء حتى لقمة عيش
وحاف بتعدي قبل ماتوصل لالف واسطه
وكلو يقطم منها حته
لا ولسه
فين مفتاح الفرج ؟
متعلق في قلب واحد منا
منقوش عليه اسم كل واحد فينا
مكتوب لنا
وهنلاقيه ونعيش
وناخد نفس حر ونقي
من غير قلق في عيون وضحك على الدقون
من غير ألم ولا هم
من غير وصي ياكل علينا ما لينا
واللي لينا راجعلنا والله بس
لو نوينا
No comments:
Post a Comment