دلوقت بس عرفت ليه هتلر غزا الأرض وحارب وليه نابليون كمان
وليه عمل افلاطون مدينة فاضلة في خيالو
عرفت ان الأرض اتعمل عليها حوار واتعمل
دانا حتى كل يوم بحال
يوم اقول دا صح تاني يوم اقول لأ غلط
طب يعني ايه صح وغلط؟
يعني إيه حياة ؟
ليه مربوطين بخيوط وبنتحرك؟
في بلدي الحلوة مصر
ليه الكليات الأدبية بمجاميع متدنية
كلية الحقوق المحامي المستشار القاضي يا ناس
كلية الأداب بقيت اداب كعب عالي
كلية الآداب كلية ثقافات الشعوب وحضارات البشر وما ابدعته قرائح البشرية
كلية الآداب اه يا زمن
كلية الإبداع والفكر
المتفوق في دراستو يدخل طب ولا هندسة هيا دي الكليات العاليه
مين بأه اللي قال ان دي الكليات العاليه ؟
مين حددها وليه؟
جورج بوش ثبت 6 مليار بني آدم ودخل افغانستان والعراق
ليه انا مبطلعش في مظاهرات؟
اصلي عارف انها مش حقيقية مش من قلب الوطن
مش الناس كلها عايزه دا دول احزاب بس وناس مسيسه
قلب الوطن
الكلمه دي معناها بطفي كل يوم
يعني ايه وطن
بيقولو المفروض متقولش ايه ادتنا مصر قول هندي ايه لمصر
دي كلمة قالها رئيس امريكي واتسجلت بأه على كل وطن
اصل احنا بقينا بنقتبس منهم هنجيب منين في لغتنا الل بقالها اكتر من 1400 سنه ومخلصتش بس محدش بيتعلم
هما اتعلمو وبرفعلهم القبعه حتى دي مقتبسه منهم اصلي ااتعلمتها كدا
طيب دا جميل اوي الكلام دا
انا لازم احب بلدي من غير ما تديني اي حاجه
من غير ماتديني بعد 16 سنه دراسه فرصة عمل مرضيه
دا حتى راتب تعيين الدكتور من غير حوافز ولا حاجه متسجل ب 52 جنيه
يعني ميكفوش عيش حاف
من غير ما تديني مواصلات وطرق متفورش الدم وتخلي الناس تسب وتلعن في كل حاجه
من غير ما تديني رموز مقنعه تخليني احس اني مرتاح في البلد دي وعارف اني رايح للمستقبل صح
انا موافق على كل دا وهحبها
بس هو انا لما احبها هطلع لأدام هتقدم ولا هتأخر هيا اساسا هتفرق معاها؟
لو في خطه عشان نطلع لأدام حد ينورني
اصلي حاسس انها غرقت والبقاء لله عليها
No comments:
Post a Comment