i feel

الإحساس في معناه المجرد
هو كلنا بنحس بجد؟؟
يعني بنفرح بجد ونزعل بجد
انا فاكر زمان وانا صغير وانا مش فاهم من الدنيا دي غير ورق
علوم ورياضه ومسائل ونصوص ومش عارف ايه ولعب كوره وفرحه
دلوقت افتكر الأيام دي وأعرف اني ساعتها كنت أكيد فرحان بس الاحساس دا ازاي هوا كان حقيقي ؟؟
وهوا انا ساعتها كنت كدا بجد ولا كنت بعمل كدا لأن أنا عند نقطة الصفر نقطة البياض
الأخلاق تمام الصدق تمام الثقه تمام كلو متأمن عليه وشغال

بس أنا كنت بنجح بل بتفوق في الدراسه بس عادي

ايه الجديد
طيب لما عمتي اتوفت من 10 سنين ساعتها جالي الخبر وكنت زعلت بس هوا انا زعلت بجد؟
أنا دلوقت بعد ما مريت بالفشل في حياتي وصادفتو
بقيت أحس بجد بقيت بستطعم الحياة
بلمسها دانا فرحت اوي لما سقطت وبعدين نجحت أكتر من أي مرة اتفوقت فيها

بقيت ابص في الحاجة وأعرف بعض قيمتها
بأه في رابط بين الملموس (المادي ) والمعنوي
طيب هوا انا لو كنت كملت حياتي من غير أي فشل ولا أي انتكسة في اي مجال منها

هل كنت هحس بجد وأدوق الفرحه الحقيقية والحزن الحقيقي؟؟

دلوقت انا بقيت أعرف أتنطط مالفرحه وبقيت دموعي بتنزل

التجربة دي فادتني اوي

انا دلوقت أقدر أقول

انا بحس i feel