صافيناز

بمناسبة ان صافيناز ترند ! في وقت معهد الاورام اتحرقت ابوابه او حدث انفجار عنده 

مش عارف دا سببه ايه ؟ و لا عارف ليه صافيناز تريند دلوقتي بالذات !

كمان السما لونها أحمر انهاردا بشكل غريب

بس هي صافيناز دي واحده جايه من بلد تانيه في ثقافة تانيه في لغة تانيه 

وقدرت تفهم مزاج المصريين وتعجبهم باللي بتعمله !

ودا بيقول أن مزاج المصريين مش حاجه غير مفهومه اوي يعني 

اهي الست صافيناز فهمته وظبطته !

إهداء إلى مواليد الثمانينات ( التمنينات)

لم نعد نكتب كما كنا

ربما احترق الكلام مع ارواحنا

ربما طار على كتف جنية

 لمحت خيالها  ومضت بعيدا بلا أثر

أنطفأت جذوة الروح  التي كانت نارا حامية

وضاءة  في بعيد النفس تهدي بعضها 

أم عرفنا أنه لا جدوى من كل هذا 

فلم التعب؟

سفح المادية حاد يجرح النفس

إن ظنت أنه الوجود الوحيد انتهت

وهذا ظني 

و إني لأعلم أن في النفس ما فوق هذا كله

و إن غدا آخر تماما ليس مكررا

ربما للكتابة وقت قريب

انفجار معهد الأورام

من الحاجات اللي الواحد مكانش يتخيل أنها ممكن تكون بتحصل في الحياة أنه يشوف مرضى ومعدمين ومقهورين و رماهم الحال لمعهد الأورام للعلاج من المرض الخبيث و يلاقوا في انتظارهم انفجار عالباب يقهرهم زيادة ولا حول ولا قوة إلا بالله 

الدنيا بتقولها أنها أصعب من ما نتخيل و بتحتاج قوة وصبر فوق الصبر عشان نواجه الأحداث الجثام و الأحوال العظام ادامنا رحمة الله على الذين لقوا ربهم في الحادث ونسأل الله أن يرحمهم بعد ما لقوا الله.

معهد الأورام حادث استثنائي و بيقولنا كتير عن الأحوال الحالية ، عدد الشهداء وصل ٢٠ حتى كتابة هذه السطور.

المنيل قضيت فيها وقت كتير ومن أحب الأماكن لقلبي شخصيا وحقيقي حزنت على ما حدث فيها .